spot_img
Homeप्रदेशशरणार्थी प्रकरणमा ३२ जनामाथि मुद्दा चलाउन प्रहरीको सिफारिस

शरणार्थी प्रकरणमा ३२ जनामाथि मुद्दा चलाउन प्रहरीको सिफारिस

शरणार्थी प्रकरणमा ३२ जनामाथि मुद्दा चलाउन प्रहरीको सिफारिस

नेपालीलाई नक्कली भुटानी शरणार्थी बनाएर अमेरिका पठाउने खोजिएमा प्रहरीले ३२ जनालाई अभियुक्त बनाएको छ । उनीहरूमाथि ४ वटा अपराधमा मुद्दा चलाउन सिफारिस गर्दै सकेसम्म आजै सरकारी वकिलको कार्यालयलाई अनुसन्धान प्रतिवेदन बुझाउने  तयारी प्रहरीको रहेको छ ।

यस घटनामा पहिलो पक्राउ गरिएको आज ५७ औँ दिन हो । सरकारी वकिल कार्यालयले ६० औँ दिन अर्थात् बुधवारसम्ममा अदालतमा अभियोग पत्र दायर गरिसक्नुपर्ने हुन्छ ।

यस प्रकरणमा अहिलेसम्म १६ जना पक्राउ परेका छन् भने थप १६ जनालाई प्रहरीले फरार सूचीमा राखेको छ । फरार रहेकारूमा रामबहादुर थापा बादलका छोरा प्रतीक र उनका सुरक्षा सल्लाहकार इन्द्रजित राईका उच्च तहका अभियुक्त रहेका छन् । घटनामा १०६ जनाले आफूहरूलाई पीडितका रूपमा प्रस्तुत गरेका छन् ।

प्रहरीले आरोपीहरूमाथि चार वटा अभियोगमा मुद्दा चलाउन सिफारिस गरेको छ । उनीहरूलाई ठगी, सरकारी कागजात किर्ते, सङ्गठित अपराध र राज्यविरुद्धको अपराधमा मुद्दा चलाउन सिफारिस गरिएको हो । तत्कालीन समयमा सार्वजनिक पद धारण गरेकाहरूको हकमा अख्तियारलाई पत्र लेख्ने  तयारी रहेको छ । अन्यको हकमा सम्पत्ति सुद्धिकरण विभागलाई पत्राचार गरिनेछ । प्रहरीले ३२ जना आरोपीबाट २६ करोड ८८ लाख ७५ हजार रुपैयाँ बिगो दाबी गर्न सिफारिस गरेको जनाइएको छ ।

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments